Conseils

CV خمسة أخطاء تجنبها عند كتابة

CV خمسة أخطاء تجنبها عند كتابة

كتعتبر السيرة الذاتية مفتاح مهم للتقديم لأي وظيفة أو تدريب (Stage)، وكذلك لتشجيع صاحب العمل أنه يهتم بالبروفيل ديالك أكثر من منافسيك، ولهاد السبب اخترنا ليكم 5 نصائح باش تجنبوا الأخطاء فاش تبغيو تكتبو CV ديالكم.

1. معلومات الاتصال غير كافية:

تأكد مزيان من وجود جميع المعلومات الخاصة بك بشكل واضح، بحال اسمك الكامل وعنوانك وإيميلك ورقم التلفون، باش يقدر صاحب العمل يتعرف عليك ويتصل بك بسهولة. حيت تقدرو بعض المرات تعتمدو على شي cv قديم فيه أرقام هواتف أو عناوين قديمة.

2. التركيز: 

فكل سيرة ذاتية خصك تركز على المجال أو الوظيفة اللي بغيتيها، ووكذلك على المهارات اللي مطلوبة فيها بحال الإنجازات لي درتي أو المؤهلات اللي عندها علاقة بهاد الوظيفة، باش صاحب العمل يلقى أنك انت اكتر واحد مناسب لهاد المنصب ويتشجع.

3. التصميم السيء: 

بغض النظر على المهارات والديبلومات والخبرة اللي عندك، من الضروري أنك تجمع هاد المعلومات كلها فقالب أنيق وواضح باش يقدر صاحب العمل أنه يطّلع عليها.

خصك تتأكد أن نوع الخط والحجم ديالو واضح، وتخلي النص فوسط الصفحة باش تبان متوازنة، وحاول أنك تتجنب الرسوم والصور وكثرة الألوان، أما إيلا كنتي غتقدم CV ديالك مطبوع مباشرة تأكد أنه تكون مطبوعة فورق من النوع الجيد والكتابة فيه واضحة ومايفوتش CV  ديالك أكتر من 2 ورقات.

4. عدم التدقيق على الأخطاء الإملائية:

رد البال من الأخطاء الإملائية وضعف اللغة والأخطاء النحوية الفادحة اللي تقدر تخلي أي واحد كيقرا CV ديالك يستغرب ويستبعد فكرة توظيفك، وباش تتفادى هادشي عاود قرا السيرة الذاتية من جديد واستشر الأصدقاء ديالك باش يقراها ويتأكد من صحة الكلمات باش ما تأثرش عليك سلبا.

5. الكذب:

 الكذب أو المعلومات المبالغ فيها، غيتم اكتشافها مهما طال الوقت، ولهاد السبب من الأفضل تذكر المعلومات الحقيقية ديالك سواء كانت على الدراسة ديالك أو التجارب المهنية اللي دزتي منها وحتى على التواريخ والتفاصيل ديالها بصدق وبدقة.