Conseils

هذه نصائحنا لولوج سوق العمل بسهولة بعد التخرج

هذه نصائحنا لولوج سوق العمل بسهولة بعد التخرج

قبل الانتهاء من مرحلة الدراسة، كتبدا مرحلة اخرى مهمة للطلبة اللي هي أنهم ينتقلو من مقاعد الدراسة لسوق العمل، وباش تكون البداية موفقة لدخول الحياة المهنية، كينصحو الخبراء باش يختصرو الوقت ويندمجو بأسرع وقت فالحياة المهنية.

وهذه 4 نصائح تخليك تدخل للحياة المهنية بسهولة بعد التخرج:

الاستفادة من أوقات الدراسة للتدريب العملي:

ينصح الخبراء الطلاب باش يتسافدو من فترة الدراسة ويلتحقو بدورات تدريبية كتناسب مع تخصصاتهم باش يطورو خبراتهم، الشي اللي كيسمح بالإطلاع على طريقة العمل عن قرب ويفتح مجال التواصل مع أصحاب العمل، بحيت كتعتبر الخبرة العملية اللي كيجمعها الطلبة فوقت الدراسة طريق سهل للاندماج والانتقال من مرحلة الدراسة لسوق الشغل.

اختيار الشركات الصغيرة:

مع ازدياد عدد خريجي الجامعات وزيادة المنافسة على الوظائف الموجودة، كينصحو الخبراء باش يتقدمو الخريجين الجدد للعمل عند الشركات الصغيرة والمتوسطة، واختيار عدد محدد من الشركات وإرسال السيرة الذاتية بشكل متقن، حيت فرص العمل عند الشركات الكبيرة كتحتاج لكفاءة عالية بزاف.

التدريب المهني:

كاين بزاف ديال الشركات اللي ماكتبغيش توظف الخرجين الجدد مباشرة، ولكن كتسمح بإجراء تدريب مهني أو Stage، ولكن هاد الطريقة ما كتعتبرش وسيلة مؤكدة باش تتوظف ولكنها خطوة بديلة كتخليك تزيد ففرص إيجاد وظيفة في المستقبل.

القبول بالوظائف البديلة للوصول:

ماشي من السهل تلقى فرصة عمل بسرعة، ولكن كينصحو الخبراء بعدم اليأس وتقبل الوظائف حتى إذا الدخل أو الصالير كان قليل كبداية فقط.