Conseils

تعرّف على طرق الحفظ السريع للدروس قبل الامتحانات

تعرّف على طرق الحفظ السريع للدروس قبل الامتحانات

كايتعتبر الخوف والنسيان من أهم المشاكل اللي كتواجه الطلبة فأيام الامتحان، وباش تقدر تبقى عاقل على الدروس وتجاوز مشكلة الحفظ والقدرة على تذكر المعلومات، اختارينا ليكم أهم طرق الحفظ السريع للدروس:


1. قبل ما تبدا الحفاظة ديال الدروس، حاول تبقى تتنفس بهدوء من أجل الاسترخاء، بحيت كلما استرخى الجسد العقل كينشط، والنفس المهدئ كايكون من خلال جعل الزفير يخرج في وقت أطول من وقت دخول الشهيق.

2. ما خصش وقت الحفظ يفوت مدة 40 دقيقة متواصلة، ومن بعدها خص تاخد استراحة لمدة  10 دقائق قبل ماترجع للدراسة.

3. الحفظ الأكثر سهولة وفاعلية هو اللي كيكون قبل من النوم مباشرة .

4. حاول توزع المواد اللي كاتحتاج لمجهود الحفظ على الوقت المتاح بشكل متوازن.

5. كلما استخدمتي حواس أكثر خلالعملية الحفظ كلما بقات المعلومة ثابتة فالذاكرة بشكل أفضل، بمعنى أنك إيلا شفتي شي معلومة وكتبتيها فغدي تبقى ثابتة تقريباً بنسبة 20%، أما إيلا شفتي المعلومة وقريتيها بصوت عالي وسمعتبها بزاف ديال المرات وكتبتيها من بعد، فغيزيد معدل الحفظ وغاتبقى عاقل عليها بنسبة كاتوصل إلى 70% .

6. بعد ما كتسالي الحفظ اليومي، حاولي تسمعي داكشي لي حفظتيه بزربة بشكل داخلي، وهادشي كايتسمى "عملية التثبيت"، وهي ضرورية بزاف، وإذا بغيتي تزيد الفاعلية، حاول تدير "تسميع كتابي" أي من خلال عمل ملخص سريع أو مخطط أو رسم بسيط فيه أبرز العناصر لي حفظتيها.