Conseils

بعد الحصول على الباك.. هاهي الآفاق الدراسية اللي عندك

بعد الحصول على الباك.. هاهي الآفاق الدراسية اللي عندك
بعد الحصول على شهادة الباكالوريا، أكيد أن اللي كيشغل بال التلاميذ المغاربة هي المرحلة اللي من موراها، أي المدارس والمعاهد والشعب والتخصصات الجامعية اللي غيدخلوها ابتداء من شهر شتنبر الجاي.
وبالاعتماد على النقاط اللي كيجيبوها في الباكالوريا، كيلقاو التلاميذ راسهم أمام أربعة ديال المؤسسات وهي: مؤسسات التعليم العالي ذات الاستقطاب المحدود، ومؤسسات التعليم العالي ذات الاستقطاب المفتوح، التكوينات العسكرية، والتكوين المهني.
 

:مؤسسات التعليم العالي ذات الاستقطاب المحدود

كتتميز هاد المؤسسات بتكوينات عندها جودة عالية ولكن عدد المقاعد اللي فيها محدود بزاف، وكيتم اختيار هاد التلاميد بناء على نتائج الباكالوريا أو كيدوزو مباريات، بحال كليات الطب والصيدلة، المعهد العالي للإعلام والاتصال بالرباط، المدرسة الوطنية للفلاحة بمكناس، المدارس الوطنية للتجارة والتسيير، المعاهد العليا للمهن التمريضية وتقنيات الصحة، المعهد العالي للفن المسرحي والتنشيط الثقافي.

مؤسسات التعليم العالي ذات الاستقطاب المفتوح:

هاد المؤسسات هي تابعة لوزارة التعليم العالي والبحث العلمي وتكوين الأطر. وكيكون نظام التكوين فيها هو (LMD) أي نظام الإجازة والماستر والدكتوراه، غير كاينين بعض الشعب كيديرو مباريات كيختارو فيها التلاميذ. 

وكنلقاو فهاد الخانة، كليات العلوم، كليات الآداب والعلوم الإنسانية، كليات العلوم القانونية والاقتصادية والاجتماعية.

التكوينات العسكرية:

الولوج لهاد المؤسسات للانتقاء الأولي كيكون اعتمادا على النتائج ديال الباك أو كيديرو مباريات أو كيديروهم بجوج أي النتائج والمباراة بالاضافة للفحوصات الطبية. وكيكون نظام الدراسة صارم بزاف ومنضبط وكايستافد أغلب الطلبة من الداخليات واللباس والتطبيب.

وكايدخل فخانة المؤسسات التكوين العسكري مثلا: المدرسة الملكية الجوية بمراكش، الأكاديمية الملكية العسكرية بمكناس، مركز التكوين في المدرعات بمكناس……

التكوين المهني:

كينقسم التكوين فهاد المؤسسات لأربعة ديال المستويات، لكن جوج مستويات هي اللي كتهم التلاميذ وهما: المستوى التقني المفتوح للناس اللي عندهم مستوى الباكالوريا ولا نيفو باك، ومستوى التقني المفتوح للناس لي خداو شهادة الباك.

وكنلقاو فمؤسسات التكوين المهني: معهد التقنيين المتخصصين في الميكنة الفلاحية والتجهيز القروي ببوقنادل، المعهد الملكي للقتنيين المتخصيين فالمياء والغابات فسلا، مؤسسات التكوين الفندقية والسياحية وغيرهم.